又傷 ITB, 但時間比上年快
---------------------------------------------------
又一年.
其實上年玩完已經話今年唔玩
(我個富士山河口湖馬拉松呀 T.T)

所以今年公佈唔中籤 Yeah 咗出聲
(明明飛都冇人, 中就真係有鬼喇)

大半年都冇操過山.
然後有人冇啦啦收到個電話.
「喂, 中咗 Wor, 預你架喇」

我當時駛出太極唔知幾多式
「你預我做 Support 同後備既後備啦」

之後件事都冇上心.
然後係我準備去找織女時候

又收到個訊息
「阿邊個唔得Wor, 你上架喇」
「吓？你個後備？」
「入咗隊啦」

就係咁, 又要行.
(早知個時太極耍遠尐)

雄心狀志第一次 Full Team 練山.
隊友 A 同 隊友 B 遲到.
我同隊友 C 行先, 水浪窩匯合.
然後隊友 C 雞公落山時,
為咗避加上緊山既真永遠單車而拗柴.
(請自行 Google 圖片: 真永遠)
結果腫到豬蹄恁既 C 早退, 我同 AB 行埋預下既練習.

之後各有各比賽, 我去完搵織女, 就到 BC 去大阪. 再次全員集合已經係十一月二十日.

(講咁多, 都正題未 T.T)
一開波, 慢慢去, 去到 CP3 都仲預計時間內. 然後係 CP4, 明明冇點慢到. 但唔見咗一個鐘. 去到基維爾已經遲咗接近一個鐘.
食完燒賣飲完湯, 繼續殺落 101 自己隊個 Support 位. 換襪, 洗面, 飲即磨咖啡. (竟然冇飲有心人既咖啡, 真蝕), Fill 完太空食品再出發.

一上樓梯, 咦, 個 ITB 好似黎料. 頂硬上啦.
一頂頂到去筆架山, 叫 C 幫我按兩下, 然後全場聽到我慘叫.

ITB 既同一時間, 個肚又好似痛, 所以之後都唔係好攻食野.

之後去到大埔道. 一落橋乜都唔理, 念住「你睇我唔到」咒語一路衝上走私坳.
去到走私坳追到只係落後九個字. 食野 Fill 水再出發. 一路上落針草都係忍住痛. 但都仲叫行得到. 但去到斷片時間. 行行吓會瞓著, 然後有幻覺, 例如以為地上有個大坑要避, 避唔到踩落去先知原來係平既.

去到大帽山頂白波見到 Co-run 既 Danny, 一路陪我地返到終點. (佢仲要之後個日既比賽拿獎), 去到扶輪公園換鞋. 其實一直都 Keep 住只係慢咗一個鐘.

之後九段跑唔到. 去到吉慶橋先醒起有得紮. 食埋止痛丸, 都仲可以 行下Jog下返終點.

結果 27 個鐘完成, 都叫快過舊年丫.

要多謝以下人士 (除了第一個, 排名不分先後)
1. 金錢上大力贊助我既某人
2. 帶咖啡及其他物資上 101 既 Terry
3. 帶物資通頂係大帽山等我地, 完賽後又送埋貓車既 Dic
4. 帶衫畀我地換既 Kelvin
5. 係終點等我地既公仔人姐姐同 Keroro 妹妹
6. 陪跑三四十 K 仲要跑前跑後幫我地影相既 Danny
7. 不正常人類研究中心仝人
8. 千幾字都睇晒既你.
(Add @ 2015-111-23 16:24)
9. 漏咗, 仲要多謝各位隊友忍受我慢, 任性, 脾氣燥狂.

係度講多次, 下年真係唔好預我