久違三年的半馬PB

對美記半馬拉松呢條賽道真係又愛又恨，頭8K有超級恐怖既斜路，練習不足係呢條賽道自爆會係非常痛苦既事，記得第一次跑乜都唔識，最後要兩個半鐘先跑得完；但自己既PB又係呢條賽道做出黎，基本上呢條賽道已經變左做實力既考驗。

今年經過Asics 10k一役，目標同心態都作出相應改變，與其強行去完成不可能既目標，倒不如跟番自己既pacing去做出自己最佳時間。近年唔知點解每到12月都特別忙，上年忙到冇練跑三個星期，結果當然係極慘；今年又無啦啦殺出黎話有Migration Work要做，打亂左練習既安排，去到出門前三十分鐘仲收到Call話有野攪唔掂，最後蝦碌到連號碼布都唔記得拎。好彩冇人阻我俾我照跑，係冇左大會紀錄可惜左少少。

最後2k可以怒爆到10k速度證明訓練有成效，今年3個賽10k,15k同埋半馬都已經順利PB就淨番渣馬呢個大佬，希望可以破PB之餘可以用目標時間330完成。