FIREE Y2Y 定向錦標賽 2020 暨 香港定向排名聯賽 2020 – 中/長距離

久休復出, 唔跑公開組, 今年跟返年齡報 Senior. 賽事大會公佈直線距離約 3.9 公里 (實跑 6.3 公里), 攀高 190 米 (實攀 263 米), 預計勝出時間 45 分鐘 (實際勝出時間 60 分鐘)

頭幾個 Points 穩陣為主, 冇乜錯 (只係冇乜, 唔係冇), 但蝕等高線. 比對返第一名既分段時間, 頭五個 Points 已經輸緊五分鐘. 幾乎係最後一個出. 兩分區望到提示符號張紙個 Size 同 Font size...well... 咁細點睇....

St -> 1. 左右二選一, 選左邊大路經 2 去
2 -> 3. 諗過行下路但係上面望咗兩次條路都唔係好明顯. 結果愈攀愈上, 係山頂飛落山. 結果磨穿條褲同擦花個Pat
5-> 6. 第二條 Long Leg 又係睇唔開選上山頂過 (其實係睇唔到下路, 不過下路亂,如果當時睇到都未必會選)
7 -> 8. 上完白林應該直去, 但睇錯左向左繞咗少少.
8 -> 9. 都係沿路行.
9 -> 10. 同個 MO 既咬住. 被佢影響到. 如果唔係應該可以快少少. 諗住 Fake 走佢去第二個方向結果都係唔遠被佢追返近.
11 -> 12. 又係 Long Leg. 仲要係石屎路, 著釘鞋既我表示......
12 -> 13. 繼續路路, 試過中間想上山, 但找唔到路. 去到路尾直劈上終點, 繞過終點再落返山窩.
13 -> 終點. 調返轉劈返上山. 已經完全乏力.

過完終點起碼瞓低咗成分鐘先去起到身去成績處理.

全程快既 Leg 冇乜, 但冇乜大錯, 穩打穩紮拿夠分. 完咗賽前目標. 美中不足係拿唔到冠軍戰衣. 同爛咗條褲.

冠軍 - 1:00'25.0"
亞軍 - 1:05'37.0"
季軍 - 1:16'27.8"