賽前宣言: 抽了倫敦五六次都唔中，由於五月的利物浦馬已永久停辦，與倫馬同是四月、相差只是一個星期舉行、英國第二大馬的曼城馬成為第一替補，First visit to the UK.

賽後評分: 第一隻(脱)歐馬。本身滿有期待跑番次好D成績嘅，點知賽前一個月前又有一D「狀況」: 兩邊籮友條筋(尤其左邊)在一個月前那兩課中長課拉傷，初時不以為然，之後發覺應該不是短期問題，卒之搞到馬前不能再有正經操練(除了2課陪老婆超慢跑之後就沒有了)。😔 昨晚真的曾經有棄賽念頭，但來英國初心係跑馬，睇波才是其次，惟有帶著懷有DNF可能的心情落場，去到熱身，由於有十日沒有任何郁動，已不知跑起來會有幾唔舒服，唔夠兩步左邊籮友已經有拉扯，心諗仆街，抖咗咁耐都唔掂，一點減退跡象也沒有，只有希望不要DNF就好，DNS就試過幾次，DNF係好羞家.....曼城馬乃英國第二大馬，前幾年還是只有約一二萬人參與，到今年大會主持說有三萬四千人(連relay)，係唔係㗎？🤔 Anyway，大會分咗十幾槍起步，我係「綠色」Corral，約第五槍，09:40起步，戰戰兢兢，不想再弄籮友弄得更傷跑唔到，盡量做到步幅steady，直至到15K也算是ok，到半程需要1:59咁濟，跟住就無以為繼了，抽筋了無數次，又生水泡，好彩冇落雨，否則必然凍死。雖然狀況很惡劣，但感覺應該起碼跑得完，Sub4唔駛諗，Sub5應該還可以的。曼城馬的氣氛超正，一旦去到一個個社區residence，兩邊就會企滿晒人，歡呼聲就如雷貫耳，十分supportive，唔跑都會唔好意思。😅 好幾次市民還會喊著「Robbie，Robbie，Come on, you can do it!」和我加油。去到尾萬般不想又PW，本埋條老命衝向終點卒之唔洗PW，爭10秒😂。路線斜路很少，容易跑，天氣又好，只係自已年紀大機器壞又傷，浪費了一隻好馬。😢
給 5 星